பரலோக எஜமானனாவர் ஏற்றுக் கொண்டவர்களை, ஒரு விசுவாசியானவன் நிராகரித்தால், இவர்களில் யார் இப்போது பரத்துக்கு விரோத மாக எதிர்த்து நிற்கின்றார்கள்? மனிதர்கள் எப்படியாக பரத்துக்கு விரோதமாக பாவம் செய்கின்றார்கள்? எடுத்துக்காட்டாக, ஒருவன் தன் அயலவனுடைய பொருளை திருடிவிட்டான். இப்பொழுது அவன் கள்வன் என்ற பெயரை தனதாக்கி கொண்டான். இந்த சம்பவத்தை சற்று ஆராய்ந்து பார்த்தால், அவன் தன் அயலவனுக்கு விரோதமாக குற்றம் செய்ததால், பரத்து விரோதமாக குற்றம் செய்தான். ஒருநாள் அவன் அதைக் குறித்து உணர்வடைந்தான். தன் குற்றத்தைக் குறித்து மனம்வருந்தினான். ஒரு சமயம், வரி சேகரிக்கின்றவர்களுக்கு தலைவனும், அதனால் ஐசுவரியமாக இருந்தவனுமாகிய சகேயு, ஆண்டவர் இயேசுவை பார்க்க ஆவலாக இருந்தான். அவன் குள்ளனாக இருந்தபடியால் ஜனக்கூட்டத்தில் அவனை காண முடியவில்லை. அவனோ, வெட்கத்தைப் பாராமல் ஒரு மரத்திலே ஏறிக் கொண்டான். ஆண்டவர் இயேசு அவனண்டை வந்து அவனை அழைத்து, இன்றைக்கு நான் உன்வீட்டில் தங்க வேண்டும் என்றார். அவனோ ஆண்டவர் இயேசுவை நோக்கி: ஆண்டவரே, என் ஆஸ்திகளில் பாதியை ஏழைகளுக்குக் கொடுக்கிறேன், நான் ஒருவனிடத்தில் எதையாகிலும் அநியாயமாய் வாங்கினதுண்டானால், நாலத்தனையாகத் திரும்பச் செலுத்துகிறேன் என்றான். ஆண்டவர் இயேசுவை சந்திக்க வாஞ்சையாக இருந்த அவன், மனந்திரும்புதலுக்கு ஏற்ற கனியை காண்பித்தான். அன்று அவனுடைய வீட்டிற்கு இரட்சிப்பு வந்தது. பரலோக எஜமானனாகிய இயேசு அவனை ஏற்றுக் கொண்டார். அதைக் கண்ட யாவரும்: இவர் பாவியான மனுஷனிடத்தில் தங்கும்படி போனார் என்று ஆண்டவர் இயேசுவைக் குறித்து முறுமுறுத்தார்கள். அவர்கள், சகேயுவையும் ஏற்றுக் கொள்ளவில்லை. அவனை ஏற்றுக் கொண்ட பரலோக எஜமானனையும் ஏற்றுக் கொள்ளவில்லை. இவர்கள் யார் பரிதவிக்கப்படத்தக்கவர்கள்? யார் பரலோகத்திற்கு விரோதமாக எதிர்த்து நிற்கின்றவர்கள்? யார் மன்னிக்க மனதில்லாதவர்கள்? தேவன் ஒருவனுடைய பட்சத்திலிருந்தால் அவனுக்கு விரோதமாயிருப்பவன் யார்? தேவன் தெரிந்துகொண்டவர்கள்மேல் குற்றஞ்சாட்டுகிறவன் யார்? தேவனே அவர்களை நீதிமான்களாக்குகிறவர்.