உள் ஒன்று நினைத்து வெளியே வேறொன்றை சொல்கின்றவர்களை நாம் மாயக்காரர் என்று கூறுவோம். அதாவது, “நீங்கள் செய்த உதவிக்கு நன்றி” என்று ஒரு மனிதன் வாயினாலே கூறினாலும், அவன் இருதயத்திலே அந்த உதவியைக் குறித்த நன்றி உணர்வு அற்றவனாக இருப்பானென்றால், அந்த நன்றி வெறும் முகஸ்துதியா கவே இருக்கும். சில வேளைகளிலே, மனிதர்களை இலகுவாக முக ஸ்துதியினால் ஏமாற்றிவிடலாம் ஆனால் சர்வ வல்லமையுள்ள தேவன்தாமே, இருதயத்தை ஆராய்ந்து அறிகின் றவர். மாயக்காரரே, உங்களைக்குறி த்து: இந்த ஜனங்கள் தங்கள் வாயி னால் என்னிடத்தில் சேர்ந்து, தங்கள் உதடுகளினால் என்னைக் கனம்பண் ணுகிறார்கள்; அவர்கள் இருதயமோ என க்குத் தூரமாய் விலகியிருக்கிறது என்று சில யூதமதத் தலைவர்களுக்கு இயேசு கூறினார். நாங்கள் இப்படிப் பட்ட ஆலயத்திற்கு சென்று வருகின்றோம். அங்கே இவ்வளவு ஜனங்கள் இருக்கி ன்றார்கள். நாங்கள் இந்தப் பிரிவை சேர்ந்தவர்கள். எங்களுடைய உபதேசம் இவைகளே. எங்களுடைய விசுவாச அறிக்கை இது. எங்களுடைய தரிசனம் இது. என்று மனிதர்கள் பல விதமாக தங்கள் வாழ்க்கையைக் குறித்து பேசிக் கொள்ளலாம். எவை எப்படியாக இருந்தாலும், மேற்குறிப்பிடப்பட்ட காரணிகளால் மட்டும் ஒரு மனிதனுடைய வாழ்க்கை தேவனுக்கு பிரியமாக இருக்கப் போவ தில்லை. உள்ளந்திரியங்களை ஆராய்ந்து அறிகின்ற தேவன் எங்கள் இருதயத்தின் நினைவுகளை அறிந்திருக்கின்றார். எங்கள் இருதயம் தேவனைச் சார்ந்திருந்தால், எங்கள் நினைவுகள் தேவனுடையதாக இரு க்கும், எங்கள் இருதயத்தில் அவருடைய பிரமாணங்கள் இருக்கும். அவை மனமகிழ்ச்சியாக இருக்கும். எங்கள் இருதயம் அவர் வழிகளை வாஞ்சிக்கும். எங்கள் கிரியைகள் யாவும் தேவனுக்கு ஏற்புடையதாக இருக்கும். அவர் எங்கள் தேவனாகவும் நாங்கள் உண்மையிலே அவருடைய ஜனங்களாவும் இருப்போம்.